وكأن لسان حالي يقولها معه .... شعر معبر

من طرف **Salwa Alfadaly** الأربعاء 28 ديسمبر 2011, 9:10 am

مالك ياابن بلدي هو أنت قالب وشك ليه ؟

اعجبتنى تلك الكلمات الصادقة والمعبرة عن الأحداث المخزية والمؤسفة التى

نعيشها الآن وهى للشاعر أنيس سامي التى علق بها على موقع الأهرام الاليكتروني

وكأن لسان حالي يقولها معه فيقول :

- مالك ياابن بلدى هو انت قالب وشك ليه؟ مش انت يوم ما الثورة قامت قلت هييه؟...

- ورقصت فى الشارع وقلت بقينا أحرار يابيه وأنت أصلا ماحدش قالك حرية يعنى

ايه ؟.. وأن الحرية مش بس حقك اللى تفضل تدور عليه ..

- وبعدين تنسى واجبك واللي عليك متفكرشى فيه وترجع بعديها تستغرب البلد

ماتغيرتش ليه ؟..

- طب اسمحلى أقولك ياسيدى من يوم الثورة عملت ايه؟.

- عملت بأسم الثورة كشك عشان تبيع سجائر ولزقت ستيكر شهداء 25 يناير ..

- وعاالأرض الزراعية قلت فرصة وبنيت عماير ..

- وعملت للثورة لحاف ومش بعيد تعمل ستاير .. وكأن الثورة قامت لآجل الفلوس

مش للضماير ...

- بعد الثورة انت قلت كلام كتير ميه ميه .. قلت البلد دى بلدي وهشيلها جوه

عينيه .. لكن كانت المفاجأة أن أخلاقك هيه هيه.. وكلها كام يوم ورجعت ريما

لعادتها الأولانية .. وبقيت تشتكى من البلطجة وأحنا كلنا بلطجية ..

- أصل احنا أحسن ناس " تصقف" وأجدع مطبلاتية ماتكونش فاكر الفهلوة

هتاخدك للعالمية ده مفيش بلد بتتقدم وأغلب ناسها فهلوية ..

- وأتفرج على اليابان وشوف خيبتك القوية .. يضربها نووى،اعصار ، بركان

وبرضه واقفة عفية ..

- واحنا بلدنا تولع علشان فلان عاكس ولية ..

أه لو عندكوا أحساس بشوية

من إيميلى